Middelburg Hoërskool besit twee koshuise, een vir meisies (DENNE) en een vir seuns (EXCELDA). Vir leerders wat ver bly of ander wat propvol skool- en sportprogramme het, is dit ‘n tweede tuiste.
Leerders bly op die skoolterrein in pragtige, netjiese en veilige koshuise met ’n huislike atmosfeer. Die inwonende onderwysers dra elke leerder se belange op die hart en toesig word nougeset toegepas. Gebalanseerde, voedsame etes dra by tot die geluk van elke groeiende Middie. Geen klagtes oor tradisionele “koshuiskos” word gekry nie, kinders staan tou vir “seconds”, so lekker is dit. Denne en Excelda is vir baie leerders ʼn veilige tuiste.
Dit verskaf ook oornagverblyf aan leerders wat soms tot laataand met sport- en of kultuurbedrywighede besig is. Inwonende onderwysers doen diens, hulle sorg dat leerders onder toesig hul huiswerk doen. Daar is ook ‘n naskoolsentrum waar leerders daagliks tot 17:00 van die koshuisfasiliteite mag gebruik maak.
Koshuisbrosjures
- Klik hier om die Afrikaanse brosjure van Denne Meisiekoshuis af te laai
- Klik hier om die Afrikaanse brosjure van Excelda Seunkoshuis af te laai
- Click here to download the English brochure of Denne Girls Hostel
- Click here to download the English brochure of Excelda Boys Hostel